កំពង់ស្ពឺ ៖ កាលពីថ្ងៃទី០៤ ខែមករា ឆ្នាំ២០២២ វេលាម៉ោងប្រមាណ ២០:២០នាទី នៅលើផ្លូវលេខ១០៥ ចំណុចរង្វង់មូលផ្លែស្ពឺ ភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន មានករណីគ្រោះថ្នាក់ចរាចរណ៍មួយដោយរថយន្ត ០១គ្រឿង ម៉ាកTacoma ពាក់ផ្លាកលេខភ្នំពេញ2BA-1655 បើកបរដោយឈ្មោះ ហេង គៀត ភេទប្រុស អាយុ៦៥ឆ្នាំ រស់នៅភូមិពងទឹក ឃុំវល្លិ៍សរ ស្រុកសំរោងទង បានបុកម៉ូតូ ០១គ្រឿងម៉ាក Scoopy ពណ៍ក្រហម ផ្លាកលេខភ្នំពេញ 1CT-4027 អ្នកបើកបរឈ្មោះ ឈុន លីដា ភេទស្រី អាយុ ៣៦ឆ្នាំ រស់នៅភូមិញរ សង្កាត់កណ្ដោលដុំ ក្រុងច្បារមន (របួសធ្ងន់) រីឯអ្នករួមដំណេីរ ០២នាក់ ទៀតរបួសធ្ងន់០១ ស្លាប់០១ ។
តាមការបញ្ជាក់ពីជំនាញចរាចរណ៍ អ្នកបេីកបររថយន្តមានកម្រឹតជាតិស្រវឹង អាកុលលេីសពីច្បាប់កំណត់ ទេីបបណ្ដាលឱ្យបង្កគ្រោះថ្នាក់ប៉ះពាល់អាតុជីវិតអ្នកដទៃបែបនេះ។ ក្នុងហេតុការណ៍ខាងលើ រថយន្តបានបន្ដទៅបុករបងផ្ទះទម្លុះចូលទៅខាងក្នុង តែសំណាងល្អមិនបង្កគ្រោះថ្នាក់ដល់អាយុជីវិតអ្នកដទៃ បំផ្លាញតែទ្រព្យសម្បត្តិតែប៉ុណ្ណោះ។
ករណីខាងលើសមត្ថកិច្ចជំនាញចរាចរណ៍បានយកមធ្យោបាយនិងឃាត់ខ្លួនជាក់ស្ដែង អ្នកបេីកបរបញ្ជូនមកការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តកំពង់ស្ពឺ ដេីម្បីចំណាត់ការនីតិវិធីបន្ដ៕
