ពោធិ៍សាត់៖ កាលពីយប់ថ្ងៃទី២៦ ខែធ្នូ ឆ្នាំ២០២១ មានករណីកាំគ្នាស្លាប់ក្នុងវង់ផឹកស៊ីមួយកន្លែង នៅចំណុចភូមិទួលរគាំង ឃុំអូរតាប៉ោង ស្រុកបាកាន ខេត្តពោធិ៍សាត់ ។
បើយោងតាមប្រភពពីអ្នកភូមិកើតហេតុបានអោយដឹងថាដំបូងមានបុរសមួយក្រុមនាំគ្នាផឹកស៊ីនៅចំណុចមុខវត្តទួលរគាំង។ លុះផឹកស៊ីស្រវឹងរៀងខ្លួន ភាគីខាងជនរងគ្រោះបាននិយាយចំអន់បង្អាប់ទៅលើជនសង្ស័យថា “បានប្រពន្ធយូរហើយមិនមានកូនអីហ្នឹងគេពិតជាអត់កំណើត”។ ពេលនោះជនសង្ស័យខឹងក៏ជិះម៉ូតូទៅផ្ទះយកកាំបិតក៏កាប់បុរសរងគ្រោះចំនួន៣កាំបិតត្រូវចំកខាងក្រោយបណ្ដាលឱ្យស្លាប់ភ្លាមហើយជនសង្ស័យបានរត់គេចខ្លួនបាត់។
ក្នុងនោះសមត្ថកិច្ចស្រុកបាកាន បានឱ្យដឹងថា ជនសង្ស័យឈ្មោះញ៉ុម អានអាយុ៣៧ឆ្នាំ រស់នៅភូមិ-ឃុំកើតហេតុខាងលើ ។រីឯជនរងគ្រោះឈ្មោះវ៉ាំង សុខហេង អាយុ២៨ឆ្នាំនៅក្នុងភូមិ-ឃុំជាមួយគ្នា ។ បច្ចុប្បន្នសមត្ថកិច្ចកំពុងស្រាវជ្រាវស្វែងរកចាប់ខ្លួនដើម្បីយកមកផ្តន្ទាទោសតាមច្បាប់ ៕
