តាកែវ៖ កាលពីរសៀលថ្ងៃទី២៦ ខែធ្នូ ឆ្នាំ២០២១កន្លងទៅ មានករណីគ្រោះថ្នាក់ចរាចរណ៍មួយបានកើតឡើងនៅចំនុច ផ្លូវជាតិលេខ៣ក្នុងភូមិត្រពាំងឈើទាល ស្រុកត្រាំកក់ ខេត្តតាកែវ ដែលបានលអោយមកពីរថយន្តមួយគ្រឿងបានបុកជាមួយម៉ូតូ បណ្តាលអោយមានអ្នកស្លាប់ ២នាក់។
បើយោងតាមប្រភពពីសមត្ថកិច្ចបានអោយដឹងថា អ្នកបើករថយន្តបង្កឈ្មោះ វល័ក្ខ ដានៀល ភេទស្រី អាយុ ១៨ឆ្នាំ ជាសិស្ស ទីលំនៅសង្កាត់ជ្រោយចង្វា ខណ្ឌជ្រោយចង្វា ដែលបានបើកថយន្តម៉ាកតូយ៉ូតាផ្លាកលេខ ភ្នំពេញ 2AA-8539 ។ ចំណែកម៉ូតូរងគ្រោះម៉ាកហុងដាឌ្រីម C125 ពណ៌ខ្មៅ ពាក់ស្លាកលេខ កំពត1P-4155 បើកបរដោយឈ្មោះ ហយ ចាបចៀន អាយុ ២៧ឆ្នាំ នៅភូមិកំពង់បាយខាងជើង ក្រុងកំពត ខេត្តកំពត បានស្លាប់។ ខណៈអ្នករួមដំណើរជាមួយឈ្មោះ ឆើត ភេទប្រុស អាយុ ២៥ឆ្នាំ នៅភូមិអូរស្លែង ស្រុកកំពង់ត្រាច ខេត្តកំពត ក៏បានស្លាប់ដូចគ្នា។ ចំពោះមូលហេតុដែលបង្កអោយមានគ្រោះថ្នាក់ចរាចរណ៍ គឺអាចបណ្តាលមកពីអ្នកបើករថយន្តងងុយដេក។
ក្រោយកើតហេតុកម្លាំងជំនាញបានឃាត់ខ្លួនអ្នកបើកបររួម និងមធ្យោបាយទាំងពីរគ្រឿងត្រូវបានយកទៅរក្សាទុកនៅអធិការដ្ឋាននគរបាលស្រុកត្រាំកក់ដើម្បីចាត់ការតាមនីតិវិធី៕
