ភ្នំពេញ៖ នាថ្ងៃទី១៩ ខែធ្នូ ឆ្នាំ២០២១កន្លងទៅ សមត្ថកិច្ចបានធ្វើការជំនាញព្រហ្មទណ្ឌនៃស្នងការដ្ឋានខេត្តព្រះសីហនុ បានសហការជាមួយកម្លាំងជំនាញព្រហ្មទណ្ឌអធិការដ្ឋាននគរបាលខណ្ឌច្បារអំពៅ បានចុះឡោមព័ទ្ធ និងឆ្មក់ចូលបង្ក្រាប និងឃាត់បានជនសង្ស័យប្រុសស្រី២នាក់ ជាជនជាតិចិន នៅក្នុងផ្ទះល្វែងមួយកន្លែង ស្ថិតនៅតាមបណ្តោយផ្លូវលេខ១៤ ក្នុងបុរីប៉េងហួតបឹងស្នោរ (គម្រោងទី២) ស្ថិតនៅភូមិបឹងឈូក សង្កាត់និរោធ ខណ្ឌច្បារអំពៅ។
បើតាមព័ត៌មានបឋមបានអោយដឹងថា ប្រតិបត្តិការណ៍នេះ គឺជាករណីសំណុំរឿងឃាតកម្មមួយ នៅក្រុងព្រះសីហនុ ដែលសមត្ថកិច្ចធ្វើការស្រាវជ្រាវអស់រយៈពេល ១៥ថ្ងៃ និងឆ្លងកាត់ ៤ខេត្តក្រុង ទំរាំឃាត់ខ្លួនជនសង្ស័យបាន៕
