ភ្នំពេញ៖ កាលពីយប់ថ្ងៃទី១៥ ខែធ្នូ ឆ្នាំ២០២១កន្លងទៅមានករណីវាយប្លន់យកម៉ូតូពី ២នាក់ប្តីប្រពន្ធបានសម្រេច នៅចំនុចភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ហើយក្រុមជនសង្ស័យក៏បានរត់គេចខ្លួនអស់គ្មានសល់។
រហូតដល់ថ្ងៃទី១៦ ខែធ្នូ ឆ្នាំ២០២១ លោក ម៉ន វុធី អធិការនគរបាលខណ្ឌពោធិ៍សែនជ័យ បានដឹងថាកម្លាំងនគរបាលប៉ុស្តិ៍ សហការជាមួយកម្លាំងនគរបាលជំនាញ នៃអធិការខណ្ឌ ក្រោមការបញ្ជារផ្ទាល់ពីលោក ស ថេត ស្នងការនគរបាលរាជធានីភ្នំពេញ ធ្វើការបង្ក្រាបក្រុមចោរទាំងនេះបាន។ ក្នុងប្រតិបត្តិការនេះឃាត់ខ្លួនជនសង្ស័យបាន ៩នាក់៖
ទី១៖ ឈ្មោះ ឈុំ ឆារ៉ាន់ មុខរបរមិនពិតប្រាកដ
ទី២៖ ឈ្មោះ សារ៉ាត់ ចាន់វីរៈ មុខរបរមិនពិតប្រាកដ
ទី៣៖ ឈ្មោះ ពៅ វិសាល មុខរបរមិនពិតប្រាកដ
ទី៤៖ ឈ្មោះ ណុង វណ្ណា មុខរបរមិនពិតប្រាកដ
ទី៥៖ ឈ្មោះ ផល សេង មុខរបរមិនពិតប្រាកដ
ទី៦៖ ឈ្មោះ ព្រែក សុខណេត ភេទស្រី មុខរបរមិនពិតប្រាកដ
ទី៧៖ ឈ្មោះ លី សុថា មុខរបរមិនពិតប្រាកដ
ទី៨៖ ឈ្មោះ ទុំ ប៊ុនថៃ មុខរបរមិនពិតប្រាកដ
ទី៩៖ ឈ្មោះ យឿន វិចិត្រ មុខរបរមិនពិតប្រាកដ។ ចំណែកឯជនរងគ្រោះឈ្មោះ ស៊ាន តុលា អាយុ២៨ឆ្នាំ មុខរបរធ្វើចុងភៅស្នាក់នៅផ្ទះជួលជាភរិយាភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅស្រុកកំពង់ត្រាចខេត្តកំពត។
ក្នុងនោះលោក ម៉ន វុធី បានបញ្ជាក់ថា ដំណើររឿងនៅមុនពេលកើតហេតុ ប្ដីប្រពន្ធពីរនាក់រងគ្រោះខាងលើបានជិះម៉ូតូម៉ាក suzuki និចមួយគ្រឿងពណ៌សលាយខៀវ ពាក់ស្លាកលេខភ្នំពេញ 1TZ-9210 ពួកគេទាំងពីរនាក់ ធ្វើដំណើរចេញពីកន្លែងធ្វើការជិះមកកន្លែងបន្ទប់ជួលស្នាក់នៅ ខណៈជិះមកដល់ចំណុចកើតហេតុមស្រាប់តែមានជនសង្ស័យចំនួន៥នាក់ ជិះម៉ូតូ ២ គ្រឿងម៉ាក pcx មួយគ្រឿងនិងម៉ាកស៊ូគីនិចមួយគ្រឿង មិនចាំស្លាកលេខជិះតាមពួកគេ ហើយធ្វើសកម្មភាពវាយប្លន់ដោយមួកសុវត្ថិភាពវាយបណ្ដាលឱ្យជនរងគ្រោះរងរបួស និងដួលរួចក្រុមជនសង្ស័យលើកម៉ូតូជិះទៅបាត់អស់តែម្តង។
ជនសង្ស័យទាំង៩ នាក់ត្រូវបានកម្លាំងនគរបាលជំនាញ នៃអធិការរដ្ឋានខណ្ឌពោធិ៍សែនជ័យកំពុងសួរនាំ និងកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់។ ចំណែកបក្ខពួកនៅសេសសល់នគរបាល កំពុងស្វែងរកចាប់ខ្លួនបន្ត៕
ប្រភព៖ សហការី
