កណ្តាល៖កាលពីរសៀលថ្ងៃទី១២ ខែធ្នូ ឆ្នាំ២០២១នេះ មានករណីរថយន្តម៉ាកហាយឡែនឌ័រកំពុងបើកបរស្រាប់តែឆ្លងប្រព័ន្ធភ្លើងបណ្តាលឱ្យឆេះអស់ទាំងស្រុងនៅភូមិចម្ការស្លែង ស្រុកអង្គស្នួល ខេត្តកណ្តាល។
បើតាមប្រភពពីមន្ត្រីនគរបាលបានឱ្យដឹងថា អគ្គិភ័យបានឆាបឆេះរថយន្ត១គ្រឿងម៉ាកហាយឡែនឌ័រផ្លាក លេខភ្នំពេញ 2N 6067 បណ្តាលឱ្យខូចខាតទាំងស្រុង ប៉ុន្តែមិនបណ្តាលឱ្យគ្រោះថ្នាក់ដល់មនុស្សនោះទេ។ ហេតុការណ៍នេះបង្កឡើងដោយសារការឆ្លងប្រព័ន្ធចរន្តភ្លើង។ ក្នុងនោះសមត្ថកិច្ចបានចេញរថយន្តអគ្គិភ័យចំនួន២គ្រឿង ប្រើប្រាស់ទឹកអស់១រថយន្ត ទើបអាចពន្លត់ភ្លើងបាន៕
ប្រភព៖ សហការី
