បាត់ដំបង៖ អនុវត្តតាមយោបល់ណែនាំរបស់ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចជាយោបល់ របស់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ ទឹម វិឆ័យ អធិការនគរបាលស្រុកសំពៅលូន បានដឹកនាំអន្តរាគមន៍ នៃអធិការដ្ឋាននគរបាលស្រុក សំពៅលូន កាលពីថ្ងៃទី១២ ខែធ្នូ ឆ្នាំ២០២១ វេលាម៉ោង១៥និង៣០នាទី ធ្វើការបង្ក្រាបឃាត់ខ្លួនអ្នកប្រមូលផ្តុំគ្នាលេងល្បែងស៊ីសងខុសច្បាប់ (បៀ៥២សន្លឹក) ក្នុងមូលដ្ឋាន នៅចំណុច ភូមិឈើទាល ឃុំសិរីមានជ័យ ស្រុកសំពៅលូន ចំនួន០១ករណី ឃាត់អ្នកប្រព្រឹត្តចំនួន ០៨នាក់។
យោងតាមរបាយការណ៍របស់ នគរបាលស្រុកសំពៅលូន បានឲ្យដឹងថា អ្នកប្រព្រឹត្តល្បែងស៊ី សងខុសច្បាប់ទាំង ០៨នាក់៖ ១.ឈ្មោះ នាក់ សុធា ភេទស្រី អាយុ៣៩ឆ្នាំ ។ ២.ឈ្មោះ ប៉ុន ម៉ាល័យ ភេទស្រី អាយុ៣១ឆ្នាំ ។ ៣.ឈ្មោះ សេង ភាព ភេទស្រី អាយុ៦៣ឆ្នាំ ៤.ឈ្មោះ ហង្ស ម៉ាច ភេទស្រី អាយុ៤៣ឆ្នាំ។ ៥.ឈ្មោះ នឿន មុំ ភេទស្រី អាយុ៣៦ឆ្នាំ ។ ៦.ឈ្មោះ មុត គា ភេទស្រី អាយុ៦០ឆ្នាំ។ ៧.ឈ្មោះ លន ឈូក ភេទស្រី អាយុ៦៥ឆ្នាំ និង៨.ឈ្មោះ ជា ដា ភេទស្រី អាយុ៤៨ឆ្នាំ អ្នកទាំង០៨នាក់ មានទីលំនៅភូមិពោធិ៍ជ្រៃ ឃុំសិរិមានជ័យ ស្រុកសំពៅលូន ខេត្តបាត់ដំបង។
ក្នុងកិច្ចសន្យាអប់រំណែនាំ ដែលសមត្ថកិច្ចបានធ្វើចំពោះពួកគាត់ កុំឱ្យប្រព្រឹត្តសកម្មភាពល្មើសបន្តទៀតនេះ សមត្ថកិច្ចបានពន្យល់ណែនាំឱ្យគាត់ បានយល់អំពីបញ្ហាប្រឈម នៃករណីឆ្លងរាល ដាលជម្ងឺកូវីដ-១៩ ក្នុងសហគមន៍ដែលក្នុងនោះមាន ចំណែកជាច្រើនករណី ដែលបណ្តាលមក ពីការជួបជុំប្រមូលផ្តុំគ្នាប្រព្រឹត្តល្បែងស៊ីសងនេះផងដែរ៕
ប្រភព៖ អគ្គស្នងការដ្ឋាននគរបាលជាតិ
