ស្វាយរៀង៖ កាលពីរសៀលថ្ងៃទី៩ ខែធ្នូ ឆ្នាំ២០២១ មានករណី បុរសម្នាក់រៀនបើករថយន្តដឹកដីរបស់កូន ដែលយកមកផ្ញើរដោយជាន់ហ្វ្រាំងមិនស៊ី ក៏ជ្រុលធ្លាក់ចូលក្នុងទឹកត្រពាំងតែមិនគ្រោះថ្នាក់ដល់មនុស្សទេ កើតហេតុនៅចំណុចភូមិត្រពាំងស្លា ស្រុករមាសហែក ខេត្តស្វាយរៀង។
បើតាមប្រភពពីអ្នកភូមិបានឱ្យដឹងថា បុរសខាងលើមានឈ្មោះ សូ ស៊ុត អាយុ ៥៣ឆ្នាំ រស់នៅភូមិ ឃុំខាងលើ។ នៅមុនកើតហេតុគាត់បានរៀនបើករថយន្តដឹកដីប្រភេទ១តោនកន្លះជារបស់កូន ដែលទើបទិញយកមកផ្ញើ។ ពេលកំពុងបើកបរជាន់ហ្វ្រាំងមិនស៊ី រថយន្តជ្រុលធ្លាក់ចូលក្នុងត្រពាំងតែម្តងទៅ ប៉ុន្តែមិនមានគ្រោះថ្នាក់ដល់មនុស្សទេ ដោយលោតចេញពីរថយន្តទាន់។ ក្រោយកើតហេតុ បុរសខាងលើក៏បានហៅ អេស្កាវ៉ាទ័រ មកទាញយករថយន្តចេញពីក្នុងត្រពាំង ដើម្បីយកទៅជួសជុល ៕
ប្រភព៖ សហការី
