ភ្នំពេញ៖ កាលពីវេលាម៉ោងប្រមាណ២ រំលងអាធ្រាត្រឈាតចូលថ្ងៃទី៧ ខែធ្នូ ឆ្នាំ២០២១នេះ មានករណីគ្រោះថ្នាក់ចរាចរណ៍មួយបានកើតឡើងនៅចំណុចផ្លូវសហព័ន្ធរុស្សី សង្កាត់ស្រះចក ខណ្ឌដូនពេញ រាជធានីភ្នំពេញ បណ្តាលអោយយុវជន ២នាក់របួសធ្ងន់ ត្រូវបញ្ជូនទៅសង្គ្រោះនៅមន្ទីរពេទ្យ។
បើតាមប្រភពពីកន្លែងកើតហេតុបានអោយដឹងថា ម៉ូតូជនរងគ្រោះមានស្លាកលេខ កណ្តាល ១J-២៦៥៣ ត្រូវរថយន្តបុករងការខូចខាត ចំណែកអ្នកបើកបររបួសធ្ងន់ដេកក្នុងថ្លុកឈាម។ ដោយឡែករថយន្តបង្ក បានបើកគេចចេញពីកន្លែងកើតហេតុបាត់ស្រមោល៕
