ព្រះសីហនុ៖ កាលពីល្ងាចថ្ងៃទី៣ ខែធ្នូ ឆ្នាំ២០២១ម្សិលមិញនេះ មានករណីអគ្គីភ័យមួយបានឆាប់ឆេះបំផ្លាញផ្ទះលក់ប្រេងអស់មួយខ្នងទាំងទ្រព្យសម្បត្តិនិងសម្ភារប្រើប្រាស់នៅ ស្រុកកំពង់សីលា ខេត្តព្រះសីហនុ។
បើយោងតាមប្រភពពីមន្ត្រីនគរបាលស្រុកកំពង់សីលាបានឱ្យដឹងថា អគ្គិភ័យបានឆាបឆេះផ្ទះលក់ប្រេងមួយខ្នង មានទំហំ៧គុណ១៤ម៉ែត្រ ខាងក្រោមថ្ម ឈើលើ ប្រកស័ង្កសី ដែលមានម្ចាស់ផ្ទះឈ្មោះ ឈន ចាន់ដារ៉ា ភេទ ប្រុស អាយុ ៤១ឆ្នាំ រស់នៅភូមិឃុំកើតហេតុ។ ចំពោះមូលហេតុដែលបណ្តាលអោយមានអគ្គីភ័យ នោះ គឺឆ្លងចរន្តអគ្គិសនី ស្របជាមួយនឹងផ្ទះខាងលើប្រកបរបរលក់ប្រេងសាំងទៀតភ្លើងបានឆេះលឿនបំផុត។
កម្លាំងនគរបាលស្រុកកំពង់សីលាបានចេញរថយន្តពន្លត់អគ្គិភ័យអន្តរាគមន៍ជួយបាញ់ទឹកពន្លត់មិនឱ្យឆេះរាលដាលដល់ផ្ទះអ្នកដ៏ទៃនិងមិនមានមនុស្សរងគ្រោះថ្នាក់ឡើយ៕
ប្រភព៖ សហការី
