សៀមរាប៖ កាលពីម៉ោងប្រមាណ ១៣:០០នាទីរសៀល ថ្ងៃទី២ ខែធ្នូ ឆ្នាំ២០២១ មានករណីឃាត់កម្មមួយបានកើតឡើងនៅចំណុចភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប ក្រោយនារីម្នាក់មានឈ្មោះ សូចន្ធី ភេទ ស្រី អាយុប្រហែល ៤០ឆ្នាំ ត្រូវបានឃាតករអារ.ក សម្លាប់នៅក្នុងបន្ទប់។
បើតាមប្រភពពីកន្លែងកើតហេតុបានអោយដឹងថា ជនរងគ្រោះត្រូវបានប្តីអារ.កសម្លាប់ ដែលសង្ស័យថាជាភ្លើងប្រចណ្ឌ។ ក្នុងនោះនារីរងគ្រោះមានកូន ៤នាក់ នៅក្នុងបន្ទប់ និងជាបុគ្គលិកនៅភោជនីយដ្ឋាន រាជនី។ ចំណែកជនសង្ស័យជាប្តីមានឈ្មោះ ធួក ឈាត អាយុ៤៣ឆ្នាំ មានមុខរបរ រត់ម៉ូតូកង់បី កំពុងគេចខ្លួន៕
