នេះបើយោងតាមការបញ្ជាក់របស់អធិការដ្ឋាននគរបាលស្រុកអណ្តូងមាស នៅថ្ងៃទី១ ខែធ្នូ ឆ្នាំ២០២១នេះ បានអោយដឹងថាមានករណី រំលោភសេពសន្ថវៈ បានសម្រេច នៅចំណុចភូមិណាយ ឃុំញ៉ាង ស្រុកអណ្តូងមាស ដោយឪពុកចុង បានធ្វើសម្មកភាពរំលោភកូនស្រីរហូតបានសម្រេច។
ប្រភពដដែរបានបន្តថា ជនសង្ស័យជាឪពុកចុង មានឈ្មោះ រម៉ាម ស្វាន អាយុ ៤០ឆ្នាំ ជនជាតិកាចក់ ទីកន្លែងកំណើតភូមិតាណង ឃុំតាឡាវ ស្រុកអណ្តូងមាស មានទីលំនៅបច្ចុប្បន្ននៅភូមិឃុំកើតហេតុខាងលើ ។ គួរបញ្ជាក់ថាកាលពីថ្ងៃទី២៣ ខែវិច្ឆិកា ឆ្នាំ២០២១ វេលាម៉ោង២០:០០នាទី ជនសង្ស័យ បានបបួលជនរងគ្រោះ (កូនចុង) អាយុ ១១ឆ្នាំ ទៅចាប់កង្កែប រួចបានចាប់រំលោភ និងគំរាមសម្លាប់ចោល។
ក្រោយពីបានទទួលព័ត៌មានកម្លាំងអធិការដ្ឋាន បានសហការជាមួយកម្លាំងប៉ុស្តិ៍នគរបាលរដ្ឋបាលឃុំញ៉ាង និងប្រជាការពារ ចុះឃាត់ខ្លួនជនសង្ស័យ កសាងសំរឿងបញ្ជូនទៅតុលាការចាត់ការតាមនីតិវិធីច្បាប់៕
ប្រភព៖ អធិការដ្ឋាននគរបាលស្រុកអណ្តូងមាស
