ភ្នំពេញ៖ កាលពីម៉ោងប្រមាណ៧ព្រឹកថ្ងៃទី២៦ ខែវិច្ឆិកា ឆ្នាំ២០២១ មានការភ្ញាក់ផ្អើលមួយនៅចំណុចបន្ទប់ជួលក្នុងភូមិកន្ទោកជើង សង្កាត់កន្ទោក ខណ្ឌកំបូល ក្រោយបុរសម្នាក់ជាបានសម្រេចចិត្តបញ្ចប់ជីវិតដោយការចង់.ក សម្លាប់ខ្លួនចោលប្រពន្ធកូន ២នាក់ ព្រោះតែខឹងចិត្តរឿងប្រពន្ធស្តីអោយខ្លួន ដែលបានយកទូរសព្ទទៅបញ្ចាំបានលុយ១០ម៉ឺនរៀលចាយវាយអស់។
បើតាមប្រភពពីសមត្ថកិច្ចបានអោយដឹងថា ជនរងគ្រោះមានឈ្មោះ ណូ ពុតស្រី អាយុ ២៣ឆ្នាំជាកម្មករសំណង់ស្រុកកំណើតនៅស្រុកស្ទោង ខេត្តកំពង់ធំសព្វថ្ងៃស្នាក់នៅកន្លែងកើតហេតុ។ ចំណែកប្រពន្ធឈ្មោះ ឈិន ណារ៉េត អាយុ ២១ឆ្នាំ និងកូនស្រីតូចៗ ២នាក់ ក្នុងបន្ទុកដោយម្នាក់អាយុ៣ឆ្នាំ និងម្នាក់ទៀតអាយុ ៦ខែ។
បន្ទាប់ពីឃើញសពចងក ប្រពន្ធក៏បានរាយការណ៍ទៅអាជ្ញាធរហើយសមត្ថកិច្ចក៏ចុះពិនិត្យធ្វើកោសល្យវិច្ច័យរួចបានបញ្ជាក់ថា មិនមានពាក់ព័ន្ធបទល្មើសផ្សេងទេទើបប្រគល់សពឱ្យក្រុមគ្រួសារយកទៅធ្វើបុណ្យ៕
