ភ្នំពេញ៖ កាលពីថ្ងៃទី២៦ ខែវិច្ឆិកា ឆ្នាំ២០២១កន្លងទៅនេះ មន្ត្រីប៉ុស្តិ៍នគរបាលរដ្ឋបាលស្រះចកអធិការដ្ឋាន នគរបាលខណ្ឌដូនពេញ បានធ្វើការឃាត់ខ្លួនជនជាតិវៀតណាមម្នាក់ តាមបណ្តឹង ពីបទចាប់រំលោភ។
បើតាមប្រភពពីសមត្ថកិច្ចបានអោយដឹងថា ជនសង្ស័យមានឈ្មោះ BUI VAN BUT ភេទប្រុស អាយុ ៣៤ ឆ្នាំ ជនជាតិវៀតណាម មុខរបរកម្មករសំណង់ ស្នាក់នៅរោងកម្មករសំណង់បឹងកក់ ភូមិ ១ សង្កាត់ស្រះចក ខណ្ឌដូនពេញ កាន់លិខិតឆ្លងដែនលេខC០៣៤០៨០៤(ឃាត់ខ្លួន)។ ចំណែកជនរងគ្រោះឈ្មោះ យ.ឆ.ម ភេទស្រី អាយុ ៣៥ ឆ្នាំ ជនជាតិខ្មែរ មុខរបរកម្មករអនាម័យ ស្នាក់នៅរោងកម្មករសំណង់បឹងកក់ ភូមិ ១ សង្កាត់ស្រះចក ខណ្ឌដូនពេញ។
ក្រោយធ្វើការសាកសួរ ជនសង្ស័យបានសារភាពថាធ្លាប់រួមភេទជាមួយនារីរងគ្រោះខាងលើ ២ដងរួចមកហើយ ប៉ុន្តែមិនចាំថ្ងៃ។ សមត្ថកិច្ចបានធ្វើការកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់៕
