ភ្នំពេញ៖ កាលពីម៉ោងប្រមាណ ២២:២០នាទី យប់ថ្ងៃទី២៥ ខែវិច្ឆិកា ឆ្នាំ២០២១ មានករណីគ្រោះថ្នាក់ចរាចរណ៍មួយកើតឡើងនៅចំនុចផ្លូវជាតិលេខ6A ស្ថិតក្នុងសង្កាត់ជ្រោយចង្វា ខណ្ឌជ្រោយចង្វា ដោយរថយន្តសុំាយ៉ុងដឹកបន្លែមួយគ្រឿង បានបើកលឿន ជ្រុលទៅបុកពីក្រោយរថយន្ត Range Rover មួយគ្រឿង។
ក្នុងនោះរថយន្តបង្កម៉ាកសុំាយ៉ុងដឹកស្តុកពេញទៅដោយបន្លែគ្រប់មុខ ពាក់ស្លាកលេខ ភ្នំពេញ 2AY-2804 ចំណែករថយន្តមួយគ្រឿងទៀតម៉ាក Range Rover ពាក់ស្លាកលេខភ្នំពេញ 1BL-6780។
ក្រោយកើតហេតុ សមត្ថកិច្ចមូលដ្ឋាន សហការជាមួយនគរបាលជំនាញ ចុះអន្តរាគមន៍វាស់វែង ស្ទូចយករថយន្តទាំង២គ្រឿង ទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយទៅតាមផ្លូវច្បាប់នៅពេលក្រោយ ៕
