ភ្នំពេញ៖ កាលពេលវេលាម៉ោងប្រមាណ ៥:៤០នាទីល្ងាចថ្ងៃទី២៤ ខែវិច្ឆិកា ឆ្នាំ២០២១នេះ មានការភ្ញាក់ផ្អើលមួយបានកើតឡើងនៅចំនុចស្ពានជ្រោយចង្វាចាស់ក្នុងសង្កាត់ស្រះចកា ខណ្ឌដូនពេញ រាជធានីភ្នំពេញ ក្មេងស្រីម្នាក់មិនត្រូវបានស្គាល់ឈ្មោះ បានប៉ុនប៉ងលោតទឹកសម្លាប់ខ្លួន ប៉ុន្តែត្រូវបានសមត្ថកិច្ចឃាត់ទាន់។
បើតាមប្រភពពីកន្លែងកើតហេតុបានអោយដឹងថា ចំពោះមូលហេតុដែលបណ្តាលអោយក្មេងស្រីខាងលើសម្រេចចិត្តលោតទឹកសម្លាប់ខ្លួន ដោយសារខឹងនឹងម្តាយដែលស្តីបន្ទោសរឿងលេងតែទូរសព្ទ មិនខិតខំរៀនសូត្រ។ ក្រោយកើតហេតុសមត្ថកិច្ចបានធ្វើការនាំខ្លួនក្មេងស្រីខាងលើមកកាន់ប៉ុស្តិ៍ស្រះចក និងបានទាក់ទងទៅកាន់គ្រួសារនាងផងដែរ៕
