កោះកុង៖ ថ្ងៃសៅរ៍ ១ រោច ខែកត្តិក ឆ្នាំឆ្លូវ ត្រីស័ក ពស ២៥៦៥ត្រូវនឹងថ្ងៃទី២០ ខែវិច្ឆិកា ឆ្នាំ២០២១ វេលាម៉ោង០៩:៣៥នាទីមានករណីគ្រោះថ្នាក់ចរាចរណ៍រវាងម៉ូតូ និងម៉ូតូ ស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទនៅចំណុចមុខផ្ទះពេទ្យឡុងដែលមានទិសដៅស្របគ្នា បណ្ដាលឱ្យរងរបួសមនុស្ស០២នាក់ស្រី ធ្ងន់១នាក់ និងស្រាល១នាក់ ។
១-អ្នកបើកបរឈ្មោះ ហេង ឡៃអេង ភេទស្រី អាយុ ៥៤ឆ្នាំ មុខរបរនៅផ្ទះ មានទីលំនៅ ភូមិព្រែកស្វាយ សង្កាត់ស្ទឹងវែង បើកបរម៉ូតូម៉ាកវ៉េវពណ៌ខ្មៅ ពាក់ស្លាកលេខកោះកុង1C 8186 លុះមកដល់ចំណុចខាងលើ អ្នកបើកបរខាងមុខឈប់រកបត់ឆ្វេងបណ្ដាលឱ្យរងរបួសបាក់កជើងខាងឆ្វេងរបួសធ្ងន់។
២-អ្នកបើកបរឈ្មោះ ជុន ស្រីនាង ភេទស្រីអាយុ១៥ឆ្នាំ មុខរបរសិស្ស មានទីលំនៅភូមិស្ទឹងវែង សង្កាត់ស្ទឹងវែង រងរបួសរលាត់ខ្នងជើងខាងស្ដាំ បើកបរម៉ូតូម៉ាកវ៉េវពណ៌ខ្មៅ គ្មានស្លាកលេខ របួសស្រាល។
បច្ចុប្បន្នម៉ូតូទាំង២គ្រឿងកម្លាំងយើងបានយកមករក្សាទុកនៅអធិការដ្ឋានរង់ចាំធ្វើការដោះស្រាយ ៕
ប្រភព៖ នាយកដ្ឋានផ្សព្វផ្សាយអប់រំ
