កណ្តាល៖ កាលពីថ្ងៃទី១៨ ខែវិច្ឆិកា ឆ្នាំ២០២១ម្សិលមិញនេះ មានករណីបុរសម្នាក់ត្រូវពស់វែកក្របីចឹងស្លាប់ ខណៈចាប់មកធ្វើម្ហូប នៅចំណុច ភូមិស្ទឹង២ ឃុំសំរោងធំ ស្រុកកៀនស្វាយ ខេត្តកណ្ដាល។
បើតាមសមត្ថកិច្ចបានអោយដឹងថា ជនរងគ្រោះខាងលើមានឈ្មោះ លាន់ ចាន់ ភេទប្រុស អាយុ ៣៣ឆ្នាំ ជនជាតិខ្មែរ មុខរបរកសិករ រស់នៅភូមិឃុំកើតហេតុខាងលើ។
តាមប្រភពដដែរបានអោយដឹងនៅថ្ងៃកើតហេតុបុរសខាងលើបានចុះទៅមើលម៉ងនៅបឹងក្រោយភូមិ ហើយចាប់បានពស់វែកក្របីមួយក្បាលទំងន់ប្រហែល ១គីឡូកន្លះ ចាប់ម៉ង យកមកផ្ទះវិញដើម្បីធ្វើម្ហូប។ ពេលមកដល់ផ្ទះជនរងគ្រោះបានយកពស់វែកក្របីនោះចេញពីទៃ ហើយយកមកដាក់លើស្មា។ ពេលនោះពស់វែកក្របីបានលូនចូលក្រោមគ្រែ ភ្លាមនោះជនរងគ្រោះបានយកដៃទៅចាប់ក៏ត្រូវពស់ខាំដៃខាងស្ដាំ និងខាំបបូរមាត់មួយកន្លែងទៀត៕
ក្រោយកើតហេតុក្រុមគ្រួសារជនរងគ្រោះបាននាំជនរងគ្រោះទៅរកគ្រូខ្មែរ ហើយគ្រូខ្មែរខាងលើបានអោយថ្នាំជនរងគ្រោះផឹក តែជនរងគ្រោះមិនព្រមផឹក។ ហើយក្រុមគ្រួសារក៏យកជនរងគ្រោះមកផ្ទះវិញ ក្រោយដល់ផ្ទះជនរងគ្រោះបានស្លាប់តែម្តង៕
