ភ្នំពេញ៖ ក្រោយបែកធ្លាយរឿងម្តាយចិញ្ចឹម វាយកូនស្រី អាយុ ៩ឆ្នាំ ជាង ១០០រំពាត់ ស្ទើរតែរាល់ថ្ងៃមក ពេលនេះសមត្ថកិច្ចបានសម្រេចធ្វើការឃាត់ខ្លួនស្ត្រីជាម្តាយចិញ្ចឹមខាងលើ ដើម្បីរៀបចំសំណុំរឿងបញ្ជូនទៅតុលាការ ចាត់វិធានការតាមផ្លូវច្បាប់ហើយ។
បើតាមប្រភពសមត្ថកិច្ចបានអោយដឹងថា ការឃាត់ខ្លួនម្តាយចិញ្ចឹមខាងលើ ត្រូវបានធ្វើឡើងក្រោយលោក កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្ត បញ្ជាឲ្យបើកការស៊ើបអង្កេតលើករណីនេះ កាលពីថ្ងៃទី១២ ខែវិច្ឆិកាកន្លងទៅ។
គួរបញ្ជាក់ស្ត្រីសង្ស័យខាងលើមានឈ្មោះ អ៊ឹង សុគុណធី ភេទស្រី អាយុ ៥៧ឆ្នាំ បានវាយធ្វើបាបកូនស្រីចិញ្ចឹមតាំងពីអំឡុងខែធ្នូ ឆ្នាំ២០២០មកម្ល៉េះ៕
