សៀមរាប៖ កាលពីវេលាម៉ោងប្រមាណ ១:៣០នាទីរសៀល ថ្ងៃទី១០ ខែវិច្ឆិកា ឆ្នាំ២០២១នេះ មានករណីគ្រោះថ្នាក់ចរាចណ៍មួយបានកើតឡើងនៅចំនុចផ្លូវកោងបំបែកជាបួន (ផ្លូវក្រវាត់ក្រុង) ដែលស្ថិតនៅក្នុងភូមិត្រពាំងត្រែង សង្កាត់ជ្រាវ ក្រុងខេត្តសៀមរាប។
ក្នុងហេតុការណ៍រថយន្តកុងតឺន័រ ដែលមានស្លាក់លេខ ព្រះសីហនុ 3A-5541 បានបុកជាមួយនឹងម៉ូតូ ZOOMER X ពាក់ស្លាកលេខសៀមរាប1Y-6884 ខណៈកំពុងបើកឆ្លងផ្លូវ និងបានជ្រុលកិនអ្នកបើកម៉ូតូបន្ថែមបណ្តាលអោយស្លាប់យ៉ាងអាណោចអាធ័មនៅក្រោមកងរថយន្ត។ ចំណែកអ្នកបើកបររថយន្តមិនត្រូវបានស្គាល់អត្តសញ្ញានោះទេ ព្រោះបានរត់គេចពីកន្លែងកើតហេតុភ្លាមៗ ដោយបន្សល់ទុកតែរថយន្ត។
ដោយឡែកជនរងគ្រោះមានឈ្មោះឡេង បញ្ញាកា ភេទប្រុស អាយុ ២៩ឆ្នាំ មានទីលំនៅភូមិ វាល សង្កាត់គោកចក ក្រុង ខេត្តសៀមរាប ។ សាកសពត្រូវបានសមត្ថកិច្ចប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕
