កំពង់ចាម៖ កាលពីយប់ម៉ោង ២០:៣០នាទី ថ្ងៃទី៥ ខែវិច្ឆិកា ឆ្នាំ២០២១ម្សិលមិញនេះ មានករណីបុរសម្នាក់បានលោតទឹកសម្លាប់ខ្លួន នៅចំណុចស្ពានគីហ្សូណា ចន្លោះបង្គោលទី១០ និងទី១១។
បើតាមប្រភពពីសមត្ថកិច្ចនៅគោលដៅស្ពានគីហ្សូណា បានអោយដឹងថា ជនសង្ស័យបានបន្សល់ទុកនៅកាបូបលុយពណ៍ខ្មៅ មានលុយខ្មែរ ចំនួន ៣០៥០០ រៀល ប័ណ្ណចាក់វាក់សាំងកូវីដ -១៩ ចំនួន ០១ សន្លឹក មានឈ្មោះ ខន ធារះ ទូរស័ព្ទដៃ ០១ គ្រឿង ម៉ាក អូប៉ូ ពណ៍ខ្មៅ(ជាប់លេខកូដ) ជញ្ចៀន០១វង់. ខ្សែរក ០១ខ្សែ និងក្រដាស់សរសេរសុំទោស ០១ សន្លឹក។
បច្ចុប្បន្នសំភារៈខាងលើត្រូវបានយកមករក្សាទុកនៅប៉ុស្តិ៍នគរបាលរដ្ឋបាលវាលវង់ ហើយកំលាំងយើងកំពុងផ្សព្វផ្សាយពត៍មានស្វែករកសាច់ញាតិ និងកំពុងពិនិត្យជុំវិញទីតាំងនោះបន្ត ៕
