ភ្នំពេញ៖ នៅវេលាម៉ោង ៩ព្រឹកថ្ងៃទី៥ ខែវិច្ឆិកា ឆ្នាំ២០២១នេះ មានហេតុការណ៍គ្រោះថ្នាក់ចរាចរណ៍មួយបានកើតឡើងនៅចំនុចស្ពានព្រែកព្នៅខាងកើត ក្នុងភូមិ ព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។ ដោយរថយន្តមួយគ្រឿងជាន់ហ្វ្រាំងស៊ី ធ្វើអោយក្រឡាប់។
បើតាប្រភពពីអ្នកនៅកន្លែងកើតហេតុបានអោយដឹងថា រថយន្តបែនដឹកដីមួយគ្រឿងបានបើកចុះពីលើស្ពានព្រែកព្នៅ បានជួបឧបសគ្គជាន់ហ្វ្រាំងមិនស៊ី អ្នកបើកបរទាញចង្កូតគេចយានយន្តនៅពីមុខ ដោយបង្ខំបានក្រឡាប់ចាក់ដីចោលពេញផ្លូវ និងអូសប្រមាណជាង២០ម៉ែត្រ សំណាងល្អមិនបណ្តាលឲ្យមានមនុស្សរងរបួស៕
