ភ្នំពេញ៖ នេះបើយោងតាមការបញ្ជាក់របស់ឧត្តមសេនីយ៍ត្រី ថោង សុផាត នាយរងប៉ុស្តិ៍ច្រកទ្វារព្រំដែន អាកាសយានដ្នានអន្តរជាតិភ្នំពេញ នៅព្រឹកថ្ងៃទី១៩ ខែតុលា ឆ្នាំ២០២១នេះ បានអោយដឹងថា ក្រោយពីរាជរដ្ឋាភិបាលបានបើកប្រទេសជាបណ្ដើរៗឡើងវិញ ទៅតាមគន្លងប្រក្រតីភាពថ្មី ពិសេសមានការកែសម្រួលលើរបបធ្វើចត្តាឡីស័ក របស់អ្នកដំណើរ ចូលកម្ពុជា ច្រកទ្វារអាកាសយានដ្ឋានអន្តរជាតិ ភ្នំពេញមានការកើនឡើងចំនួនអ្នកដំណើរក្នុងមួយថ្ងៃចំនួនជិត ៣០០នាក់។ ខណៈមុនមានការសម្រួលលើរបបធ្វើចត្តាឡីស័កនេះក្នុងមួយថ្ងៃជាមធ្យមមានអ្នកដំណើរចូលកម្ពុជាចំនួនប្រមាណ ២០០នាក់តែប៉ុណ្ណោះ៕
