ពោធិ៍សាត់៖ នៅវេលាម៉ោងប្រមាណ ៨ព្រឹក ថ្ងៃទី៨ ខែតុលា ឆ្នាំ២០២១នេះ មានការភ្ញាក់ផ្អើលមួយបានកើតឡើងនៅចំនុច ផ្ទះសំណាក់ “យ៉ិនស៊ិនថ្មី” ក្រោយប្រទះឃើញសាកសពនារីម្នាក់ ត្រូវគេសម្លាប់ ហើយរុំភួយ បម្រុងដឹកតាមម៉ូតូយកទៅទម្លាក់ចោល ប៉ុន្តែត្រូវបានមេការផ្ទះសំណាក់ប្រទះឃើញ ហើយស្លន់ស្លោររត់បាត់ទៅ។
បើតាមប្រភពពីបុគ្គលិកផ្ទះសំណាក់បានអោយដឹង នារីរងគ្រោះខាងលើបានមកជួលបន្ទប់ខាងលើធ្វើការស្នាក់នៅមួយយប់។ ហើយនៅយប់ដដែរ ក៏មានបុរសម្នាក់ បានមកស្នាក់នៅបន្ទប់ខាងលើ។ លុះដល់ព្រឹកថ្ងៃបន្ទាប់ ក៏មេការបានប្រទះឃើញបុរសសង្ស័យខាងលើ បានកំពុងធ្វើការរៀបចំដឹកសពនារីខាងលើចេញពីបន្ទប់ យកទៅប្លុងចោល។ ជនសង្ស័យខាងលើជិះម៉ូតូម៉ាក Honda Dream ពណ៌ខ្មៅ សេរីឆ្នាំ២០១៧ ពាក់ស្លាកលេខ 1G-8098។
នៅពេលសមត្ថកិច្ចជំនាញកំពុងធ្វើការពិនិត្យ និងស្រាវជ្រាវស្វែងរកជនសង្ស័យខាងលើ៕
