ភ្នំពេញ៖ ឧកញ៉ា ម៉ុង ឫទ្ធី បានសម្ដែងការហួសចិត្ត យ៉ាងខ្លាំងដែលជាងកន្លះជីវិតរបស់លោកទៅហើយ ទើបតែជួបមនុស្សរមើលគុណ ដែលនឹកស្មានមិនដល់ ។
តាមរយៈបណ្ដាញសង្គមហ្វេសប៊ុក នៅថ្ងៃ១៧ សីហា ឧកញ៉ា ម៉ុង ឫទ្ធី បានសរសេរសារហួសចិត្ត ក្នុងន័យដើមទាំងស្រុងថា «ថ្ងៃនេះខ្ញុំលើកយកករណី ហួសចិត្តដែលជាងកន្លះជីវិតទៅហើយ ទើបតែជួបមនុស្សរមើលគុណ ដែលយើងនិកស្មានមិនដល់ យមកជម្រាបជូនប្រីយមិត្តយើងអោយបានដឹងនិងមានការប្រយត័្ន នៅក្នុងដំណើរឆ្លងកាត់សម័យកាលកូវិត១៩ ដ៏សែនមហាប្រល័យនេះ មនុស្សទូទាំងពិភពលោកនិយាយ ជារួមនិយាយដោយឡែកប្រជាជនកម្ពុជាយើង ក៏បានទទួលរងនូវឥទ្ធិពលនេះ យ៉ាងធ្ងន់ធ្ងរមួយចំណែកផងដែ រឺឯចំណែកបុគ្គលិកកម្មករដែលស្ថិត នៅក្រោមឱវាទរបស់ខ្ញុំទាំងដោយផ្ទាល់ និងដោយប្រយោលរាប់ម៉ឺននាក់ ក៏បានទទួលរងនូវឥទ្ធិពលកូវិត១៩ នេះផងដែរ ក្នុងនាមរូបខ្ញុំអ្នកទទួលខុសត្រូវ បានទំនាក់ទំនងស្វាស់ស្វែងរកវ៉ាក់សាំង គ្រប់ច្រកល្ហកដើម្បីយកមក ចាក់ជូនបានគ្រប់ៗគ្នា រួមជាមួយប្រពន្ធកូនសាច់ញាតិផងដែរ បើទោះបីជាយ៉ាងនេះក៏ដោយចុះ យើងមិនអាចចៀសផុតពីការឆ្លងបានឡើយ បុគ្គលិកកម្មករបានឆ្លងកូវិត១៩ចំនួន១១៧នាក់ព្យាបាលជាសះស្បើយ ចំនួន៧៧នាក់ កំពុងសម្រាកព្យាបាល នៅមន្ទីរពេទ្យចំនួន ៤០នាក់» ។
លោកសង្កត់ធ្ងន់ថា «ក្នុងចំណោមអ្នកជាសះស្បើយខ្ញុំសុំលើកយក បុគ្គលដែលលេចធ្លោជាងគេគឺលោក ឃុត ឌុច ប្រពន្ធនិងកូនតូចអាយុ ២ខួបផងដែរ ក្រោយពីបានសម្រាកព្យាបាលរយៈពេល ១ខែរួចមក ផ្នែកខាងរដ្ឋបាលបានយកប្រាក់ខែ ទៅបើកអោយគ្រប់ចំនួន ដូចបុគ្គលិកកម្មករដ៏ទៃទៀតដែរ ក្រោយពីលោកឌុចបានរាប់លុយ មើលឃើញនៅដ៏ដែល 470ដុល្លារ បានពោលពាក្យថា អាញ់ឈឺអត់ឡើងប្រាក់ខែអោយ ហើយក៏បានបោកទូរស័ព្ទ ចោលព្រមទាំងនាំប្រពន្ធកូនចាកចេញទៅ ដោយមិនបានស្តាយអតីតភាពការងារ ៥ឆ្នាំ ដែលបានបំរើនៅក្នុងក្រុមហ៊ុន» ។
សូមបញ្ជាក់ថា បូកបន្ថែមពីលើប្រាក់ខែនេះ ក្រុមហ៊ុនបានផ្តល់អាហារបីពេលរាល់ថ្ងៃ ផ្ទះស្នាក់នៅទឹកភ្លើង Free ពេលមានជម្ងឺជួយពិនិត្យព្យាបាល មកខ្ចីលុយការប្រពន្ធមិនសងវិញទេ ទិញម៉ូតូអោយជិះថែមទៀតផង ៕
