ភ្នំពេញ៖ ជនជាតិថៃមានសតិមិនប្រក្រតីម្នាក់ លួចឆ្លងដែនខុសច្បាស់ចូលមកកម្ពុជា ត្រូបានកម្លាំងអធិការដ្ឋាននគរបាលខេត្តកោះកុង ឃាត់ខ្លួនកាលពីថ្ងៃទី៣ សីហា ។
ជាជនជាតិថៃនោះមានឈ្មោះ ភិស្ណុ ង៉ាមខាំ ភេទប្រុស អាយុ៣០ឆ្នាំ (ជាជនមានសតិមិនប្រក្រតី) មានទីលំនៅខេត្ត នខនស្រ៊ីធម្មរ៉ាឆ ប្រទេសថៃ ។
តាមចម្លេីមរបស់ជនសង្ស័យរូបនេះ បានបញ្ជាក់ថា ខ្លួនបានធ្វើដំណើរដោយថ្មើរជើង តាមឆ្នេរសមុទ្រ ខាងក្រោយប៉ុស្ដិ៍ ច្រកទ្វាអន្តរជាតិចាំយាម ពេលយប់នៅពេលទឹកនាច ក្នុងគោលបំណង មករកការងារធ្វើ។ លុះចូលមកដល់ទឹកដីកម្ពុជា បានប្រទះឃើញម៉ូតូ១គ្រឿង របស់ប្រជាពលរដ្ឋ ចតចោលនៅ ចញ្ចើមផ្លូវ ក៏បានយកកូនសោរក្នុងកាបូបស្ពាយ មកចាក់រហូតម៉ូតូអាចបើកសោរបាន រួចជនសង្ស័យរូបនេះ ក៏បានជិះចេញមក ដោយគ្មានគោលដៅច្បាស់លាស់ រហូតមកដល់ភូមិសាស្រ្ត ស្រុកកោះកុង។
បច្ចុប្បន្ន កម្លាំងសមត្ថកិច្ច កំពុងរៀបចំសុំណុំរឿង ដើម្បីចាត់វិធានការ លើជនសង្ស័យរូបនេះ តាមនីតិវីធីច្បាប់៕
