ភ្នំពេញ៖ កាលពីល្ងាចថ្ងៃទី២២ ខែកក្កដា ឆ្នាំ២០២១ នៅចំណុចវាលស្រែ ស្ថិតក្នុងក្រុមទី៣៣ ភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង មានករណីបទលួច (ផាលភ្ជួរដីស្រែ) ដែលភ្ជាប់ពីក្រោយគោយន្តមួយ កើតឡើងបង្កដោយជនសង្ស័យ មិនស្គាល់អត្តសញ្ញាណ បានធ្វើសកម្មភាពលួចដោះ ផាលគោយន្តកន្ត្រៃរបស់ជនរងគ្រោះឈ្មោះ ឡុង ហ៊ាន ភេទប្រុស អាយុ ២៦ឆ្នាំ រស់នៅភូមិខ្នាចរមាស ឃុំខ្នាចរមាស ស្រុកបវេលខេត្តបាត់ដំបង ដែលគាត់មកព្យួដីនៅក្នុងមូលដ្ឋាន កើតហេតុខាងលើ ។
នៅក្រោយពេលកើតហេតុ សមត្ថកិច្ចនគរបាលស្រុកថ្មគោល បានទទួលព័ត៌មាននេះ និងដោយអនុវត្តតាមយោបល់ ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមទាំងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ សេង លុច អធិការនគរបាលស្រុកថ្មគោល បានដឹកនាំធ្វើការស្រាវជ្រាវ រហូតកំណត់មុខសញ្ញាបាន និងឈានទៅធ្វើការឃាត់ខ្លួនតែម្តង។
ជនសង័្សយទាំង ២នាក់នោះគឺ៖ ១-ឈ្មោះ ម៉ុន ចន្រ្ទា ភេទប្រុស អាយុ២៦ឆ្នាំ រស់នៅភូមិកោះរាម ឃុំខ្នាចរមាស ស្រុកបវេល ខេត្តបាត់ដំបង។ ២-ឈ្មោះ សម្បត្តិ យ៉េត ភេទប្រុស អាយុ២១ឆ្នាំ រស់នៅភូមិគោកខ្ពស់ ឃុំរូងជ្រៃ ស្រុកថ្មគោលខេត្តបាត់ដំបង។
សម្ភារៈភស្តុតាង ដែលដកហូតបានរួមមាន៖ ផាលគោយន្តកន្រ្តៃចំនួន១ និងកូនសោមួយចំនួន។
បច្ចុប្បន្នសមត្ថកិច្ចនគរបាល បានរៀបចំកសាងសំណុំរឿង បញ្ជូនជនសង័្សយមកកាន់ការិយាល័យជំ នាញអនុវត្តតាមច្បាប់ រីឯវត្ថុតាងបានប្រគល់ជូនម្ចាស់វិញ ៕
