ភ្នំពេញ៖ ជំងឺ Covid-19 ពិតជាសាហាវណាស់ បានពង្រាត់ជីដូនពីចៅ ២ នាក់ ហើយម្ដាយទៀតសោតគ្រាន់តែដឹងពីរឿងនេះភ្លាម រត់ចោលកូន ដោយគ្មានស្រណេះគ្នា នៅមិនទាន់ដឹងអ្វី ឲ្យដើរផ្សងព្រេងទាំងកណ្ដាលយប់។
ករណីក្មេងតូចទាំង ២ ជីដូនត្រូវស្លាប់ដោយសារជំងឺ Covid-19 ហើយបែរជាម្ដាយរត់ចោលដោយទុកឲ្យនាង និងប្អូនម្នាក់ទៀតដើរយ៉ាងកណ្ដែងកណ្ដោច តាមផ្លូវយប់ស្ងាត់យ៉ាងគួរឲ្យអាសូរ។
កាលពីយប់មិញនេះ គណនីហ្វេសប៊ុកមួយ បានបង្ហោះរូបភាពមួយសន្លឹក ដោយបង្ហាញពីក្មេងតូច ២ នាក់ដេកនៅខាងមុខផ្ទះគេយ៉ាងកម្សត់។ មិនត្រឹមបង្ហោះរូបភាពគួរឲ្យអាណិតនោះទេ ថែមទាំងសរសេររៀបរាប់ថា “យាយស្លាប់ដោយសារជំងឺកូវីត ម្ដាយជិះម៉ូតូទៅចោល ខ្លាចគេដេញមកសុំពួកខ្ញុំ ពូអើយពូសុំដេកនៅ និងផងខ្លាចគេវៃ”។
រូបភាពគួរឲ្យសង្រែកនេះកើតឡើង កាលពីយប់មិញស្ថិតនៅ ភូមិបុរីកម្មករ ផ្លូវ ២៧១ ខណ្ឌសែនសុខ រាជធានីភ្នំពេញថ្ងៃ ២១ ខែកក្កដា ឆ្នាំ ២០២១។ ក្រោយឃើញបែបនោះ អ្នកភូមិក៏បាននាំគ្នាចង់មុងឲ្យក្មេងទាំង ២ សម្រាកបានស្រួលបន្តិច នៅមុខសំយាប ផ្ទះអ្នកស្រុក៕
