ភ្នំពេញ៖ ចូលរួមអបអរសាទរ ចំពោះក្រុមគ្រូពេទ្យ ដែលសម្រាលកូនភ្លោះ ១ករណី និងសម្រាលកូនដោយវះកាត់ ២ករណី ដោយជោគជ័យ ខណៈដែលមាតាទារក កំពុងសម្រាកព្យាបាលជម្ងឺកូវីដ-១៩ នោះនៅថ្ងៃទី០៩ ខែកក្កដា ឆ្នាំ២០២១នេះ ក្រុមគ្រូពេទ្យ បានសម្រាលកូនភ្លោះ ១ករណី និងសម្រាលកូនដោយវះកាត់ ២ករណី ដែលមាតាទារកទាំង ៤នាក់ កំពុងសម្រាកព្យាបាលជម្ងឺកូវីដ១៩ នៅមន្ទីរពេទ្យមេគង្គកំពង់ចាម ។
តាមប្រភពពីក្រុមគ្រូពេទ្យ ឲ្យដឹងថា ស្រ្តីទាំង ០៣នាក់ នោះ មាន ៖
១.ឈ្មោះ ងួន គីមស្រ៊ីន អាយុ ២៣ឆ្នាំ នៅភូមិឈូក ឃុំតាប្រុក ស្រុកចំការលើ ខេត្តកំពង់ចាម បានសម្រាលកូនភ្លោះ ០២នាក់ នៅវេលាម៉ោង ១០.០០នាទី ដោយទទួលបានកូនស្រីទាំង ២នាក់ ម្នាក់មាន ទម្ងន់ ១.៥០០ក្រាម និងម្នាក់ទៀត មានទម្ងន់ ១.៨០០ក្រាម ។
២.ឈ្មោះ សូ ស្រីណែត អាយុ ១៨ឆ្នាំ នៅភូមិអង្គរបានទី៥ ឃុំអង្គរបាន ស្រុកកងមាស ខេត្តកំពង់ចាម បានសម្រាលកូនដោយវះកាត់ ដោយទទួលបានកូនស្រីម្នាក់ ទម្ងន់ ៣.១០០ក្រាម ។
៣.ឈ្មោះ ខូវ ឆវី អាយុ ៣៧ឆ្នាំ បានសម្រាលកូនដោយវះកាត់បាន កូនប្រុសម្នាក់ មានទម្ងន់ ៣.០០០ក្រាម ។
តាមការអះអាង របស់ក្រុមគ្រួពេទ្យថា បច្ចុប្បន្នទាំងម្ដាយ និងទារក គឺមានសុខភាព ធម្មតាទេ៕
