ភ្នំពេញ៖ ព្រោះតែភ្លើងប្រច័ណ្ឌ បុរសជាប្ដីបានធ្វើសកម្មភាពខ្ទប់មាត់ និងច្របាចកប្រពន្ធ សម្លាប់ចោលក្នុងបន្ទប់ជួល ១កន្លែង ស្ថិតនៅភូមិ៤ សង្កាត់កំពង់លាវ ក្រុងព្រៃវែង កាលពីយប់រំលងអាធ្រាត ថ្ងៃទី៨ ខែកក្តដា ឆ្នាំ២០២១ ។
ជនរងគ្រោះមានឈ្មោះ អី សះ ភេទស្រី អាយុ៣៩ឆ្នាំ ខ្មែរអីស្លាម មុខរបរលក់អីវ៉ាន់តាមរថយន្ត មានទីលំនៅភូមិចាមលើ ឃុំព្រែកថ្មី ស្រុកកោះធំ ខេត្តកណ្ដាល ។ ចំណែកជនសង្ស័យជាប្ដីឈ្មោះ យ៉ា ហ្វា ភេទប្រុស អាយុ៤១ឆ្នាំ ខ្មែរអីស្លាម មុខរបរលក់អីវ៉ាន់តាមឡាន មានទីលំនៅភូមិជយោ ឃុំជយោ ស្រុកចំការលើ ខេត្តកំពង់ចាម ។
បើតាមប្រភពព័ត៌មានពីកន្លែងកើតហេតុ បានឲ្យដឹងថា ដោយមានការសង្ស័យឮសំឡេង កូនក៏នាំគ្នាគាស់កញ្ចក់បង្អួច មើលឃើញជនសង្ស័យកំពុងប្រព្រឹត្ត ដោយច្របាច់កនឹងខ្ទប់មាត់ជនរងគ្រោះ ហើយនាំគ្នាគាស់ទ្វារទៅជួយ តែជនរងគ្រោះត្រូវបានបាត់បង់ជីវិត ទៅហើយបានរាយការណ៍មកសមត្ថកិច្ចជួយអន្តរាគមន៍។
បច្ចុប្បន្នជនសង្ស័យ ត្រូវបានឃាត់ខ្លួននៅ អធិការដ្ឋាននគរបាលក្រុងព្រៃវែង ដើម្បីកសាងសំណុំរឿងតាមនីតិវិធី ៕
