បុរសម្នាក់ លត់ជង្គង់ ថ្វាយបង្គំក្រុមគ្រូពេទ្យ ដែលបានទាញជីវិតខ្លួន ចេញពីចង្កូមមច្ចុរាជ កូវីដ១៩

ភ្នំពេញ៖ បុរសម្នាក់នេះកំពុងធ្វើក្រាបថ្វាយបង្គំក្រុមគ្រូពេទ្យ ដែលបានទាញយកជីវិតគាត់ចេញពីចង្កូមមច្ចុរាជនៃជំងឺ covid-19 កន្លងទៅ។ នេះបើយោងតាមហ្វេសប៊ុក លោក វុី  សំណាង អភិបាលខេត្តកំពង់ស្ពឺ។

នៅថ្ងៃទី ២៨ មិថុនា ឆ្នាំ២០២១នេះ គាត់ជាសះស្បើយ និងត្រូវបានក្រុមគ្រូពេទ្យអនុញ្ញាត ឲ្យទៅធ្វើចត្តាឡីស័ក នៅផ្ទះចំនួន១៤ថ្ងៃ បន្តទៀត។

សូមបញ្ជាក់ថា  គិតមកដល់ថ្ងៃទី២៩ ខែមិថុនា ឆ្នាំ២០២១ ខេត្តកំពង់ស្ពឺ មានអ្នកឆ្លងជំងឺកូវីដ១៩ សរុបចំនួន២.៤៦២នាក់ ក្នុងនោះជាសះស្បើយ១៨៥៣នាក់ និងកំពុងព្យាបាល៥៥៨នាក់  ស្លាប់៤២នាក់។