ភ្នំពេញ៖ មានករណីអគ្គិភ័យមួយបានកើតឡើងកាលពីម៉ោង ៤:៣០នាទីទៀបភ្លឺ ថ្ងៃទី២៩ ខែមិថុនា ឆ្នាំ២០២១ នៅផ្ទះលេខ៤៤និង៤៦ ផ្លូវលេខ២០០ ក្រុម០២ ភូមិ១ សង្កាត់បឹងរាំង ខណ្ឌដូនពេញ រាជធានីភ្នំពេញ បណ្ដាលឲ្យមនុស្ស ៤នាក់ស្លាប់បាត់បង់ជីវិត និងរបួសមន្ត្រីពន្លត់អគ្គិភ័យម្នាក់ ព្រមទាំងខូចខាទ្រព្យសម្បត្តិអស់ជាច្រើន ។
ចំពោះមូលហេតុនៃការឆេះ ពុំទាន់ដឹងនៅឡើយទេ ដោយកំពុងបន្តការស្រាវជ្រាវ ។ ប្រភេទសំណង់ៈ ថ្មបេតុង ទំហំ ០៩ម៉ែត្រx ៣០ម៉ែត្រ ចំនួន ០៣ ជាន់ ។
ខូចខាតសំភារៈ ឆេះរថយន្ត Ford Willdrak ពណ៌ខ្មៅ ពាក់ស្លាកលេខ ភ្នំពេញ ២BB-៨២៣៣ ចំនួន ១ គ្រឿង, ឆេះរថយន្ត Luxus ៣៣០ ពណ៌ស ពាក់ស្លាក់លេខ ភ្នំពេញ ២AL-១១៥៨ ចំនួន ១ គ្រឿង និងឆេះម៉ូតូសរុបចំនួន ៧ គ្រឿង ហើយពុំបានឆេះរាលដាលដល់ផ្ទះអ្នកជិតខាងឡើយ ។
ដោយឡែកអ្នកស្លាប់ទាំង ៤ នាក់មិនទាន់ស្គាល់អត្តសញ្ញាណនៅឡើយទេ និងរបួសស្រាលម្នាក់ មានឈ្មោះ ម៉ូច សីហា ភេទ ប្រុស អាយុ ២៤ឆ្នាំ មុខរបរ មន្រ្តីកិច្ចសន្យាអគ្គិភ័យ ។
ក្នុងករណីនេះ មានរថយន្តការិយាល័យអគ្គិភ័យចំនួន ៣៨គ្រឿងចូលរួមពន្លត់ ប្រើប្រាស់ទឹកអស់ចំនួន ៣៨ឡាន ស្មើនឹង ១៥២ម៉ែត្រគូប ៕
