ភ្នំពេញ៖ ស្ត្រីម្នាក់មានអាការៈមិនស្រួលខ្លួន ក៏នាំកូន ២នាក់ ជិះកង់បីចេញពីភ្នំពេញ ឆ្ពោះទៅមន្ទីរពេទ្យបង្អែកខេត្តកំពង់ឆ្នាំងតែម្ដង ស្រាប់តែម៉ោងជាង២រំលងអធ្រាត្រឈានចូលថ្ងៃទី៣ ឧសភា បានស្លាប់ដោយគ្រូពេទ្យបញ្ជាក់ថា ស្លាប់ដោយសារជំងឺកូវីដ១៩ រីឯកូនទាំង ២នាក់របស់គាត់ក៏រកឃើញ ឆ្លងកូវីដផងដែរ ។
បើតាមលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានបញ្ជាក់ឲ្យដឹងនាពញរឹកថ្ងៃទី៣ ឧសភាថា កាលពីថ្ងៃទី២ ឧសភាម្សិលមិញ មានស្ត្រីម្នាក់ឈ្មោះ សូ ហៀង អាយុ៥៨ឆ្នាំ មានទីលំនៅក្នុងភូមិអណ្ដូងរនុក ឃុំត្រងិល ស្រុកកំពង់លែង និងកូន២នាក់ទៀត បានជិះម៉ូតូកង់បីមកពីភ្នំពេញ រួចចូលសម្រាកព្យាបាលនៅមន្ទីរពេទ្យបង្អែកខេត្តកំពង់ឆ្នាំង។ បន្ទាប់មកពួកគាត់ទាំង៣នាក់ ក៏ត្រូវបានក្រុមគ្រូពេទ្យធ្វើតេស្តរកឃើញមានវិជ្ជមានកូវីដ១៩ ៕
