ព្រៃវែង៖ កុដិចាស់១ខ្នង ត្រូវបានអគ្គីភ័យឆាបឆេះខ្ទេចគ្មានសល់ បណ្តាលឲ្យព្រះសង្ឃមួយអង្គ ឆេះសុគតស្លាប់ក្នុងភ្នក់ភ្លើងទាំងកណ្តាលអាធ្រាត។ហេតុការណ៍នេះ បានបង្កការភ្ញាក់ផ្អើល កាលវេលាយប់ម៉ោង២៣ថ្ងៃទី១៤ ខែមេសា នៅក្នុងវត្ត ស្វាយឧត្តម ស្ថិតក្នុងភូមិពានី ឃុំល្វា ស្រុកព្រះស្ដេច ខេត្តព្រៃវែង។
ព្រះចៅអធិការព្រះនាម ខៀវ ម៉េត ព្រះជន្ម៩១ វស្សា ចៅអធិការវត្តស្វាយឧត្តម សុគត(ស្លាប់)។
សមត្ថកិច្ចបានឲ្យដឹងថា៖ អគ្គីភ័យនេះបង្កឡើងដោយភ្លើងទៀន គាប់ជួន ព្រះសង្ឃ ជាមនុស្សចាស់ រស់នៅកុដិចាស់តែម្នាក់ឯង ហើយថែមទាំងមានជំងឺភ្លេចភ្លាំង។
ក្រោយកើតហេតុ ព្រះសពត្រូវបានញោម និងពុទ្ធបរិស័ទ សាច់ញាតិ យកទៅធ្វើបុណ្យតាមប្រពៃណី នៅក្នុងវត្តស្វាយឧត្តមនេះតែម្ដង៕
