ភ្នំពេញ៖ អនុគណៈកម្មការស្រាវជ្រាវជំងឺកូវីដ១៩ នៅរសៀលថ្ងៃទី១១ ខែមេសា ឆ្នាំ២០២១ នេះ បានអោយដឹងថា មានវិជ្ជមានកូវីដ១៩ម្នាក់បានទៅ ទទួលសេវាមន្ទីរពហុព្យាបាល និងសម្ភព សំពៅមាស (Sampeo Meas Polyclinic and Maternity) ដែលមានទីតាំងស្ថិតនៅ ផ្ទះលេខ134, ផ្លូវលេខ 143, សង្កាត់បឹងកេងកង៣, ខណ្ឌចំការមន ។
អាស្រ័យហេតុនេះ ប្រសិនបើបងប្អូនប្រជាពលរដ្ឋណា មានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វេីតេស្តរកមេរោគ #កូវីដ១៩ (#COVID-19) ដែលមានទីតាំងនៅ វិទ្យាល័យបាក់ទូកវិទ្យាល័យបឹងត្របែកមណ្ឌលសុខភាពចាក់អង្រែក្រោមមន្ទីរពេទ្យខ្មែរ-សូវៀតសាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) មន្ទីរពេទ្យបង្អែកនៅតាមបណ្តាខេត្តនានា។
សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕
