បាត់ដំបង៖បុរសជនជាតិថៃម្នាក់ ក្រោយបញ្ចប់ពីការទទួលទោស ពីពន្ធនាគាក្នុងករណីគ្រឿងញៀន ត្រូវសមត្ថកិច្ចបញ្ជូនទៅកាន់អគ្គនាយកដ្ឋាន អនុវត្តតាមច្បាប់។
នគរបាលខេត្តបាត់ដំបង បានប្រាប់ឱ្យដឹងថា បុរសជនបរទេសនេះមានឈ្មោះ ស៊ុន ចៃឌីថៈវ៉ាត ភេទប្រុសអាយុ ៣២ ឆ្នាំជាជនជាតិថៃ នៅព្រឹកថ្ងៃទី៩ខែមេសា ឆ្នាំ ២០២១នេះត្រូវបានកម្លាំងជំនាញ ផែនអន្តោប្រវេសន៍ នៃស្នងការនគរបាលខេត្តបាត់ដំបង រៀបចំបញ្ជូនតាមនីតិវិធីទៅ កាន់អគ្គនាយកដ្ឋាន អន្តោប្រវេសន៍ក្រសួងមហាផ្ទៃកម្ពុជា។
ជនបរទេសរូបនេះកាលពីអំឡុង ដើមខែមេសា ឆ្នាំ២០១៨ ត្រូវនគរបាលលចាប់ខ្លួន បាននៅក្នុងទឹកដីស្រុកកំរៀង ខេត្តបាត់ដំបង ពីបទជួញដូរនូវសារធាតុញៀន។
ជននេះត្រូវបានតុលាការសម្រេច ផ្តន្ទាទោស រហូតដល់ថ្ងៃទី៩ខែ មេសា ឆ្នាំ ២០២ ១ នេះបានដោះលែងឱ្យ មានសេរីភាពឡើងវិញ ។ ស្របពេលដែលជនជាតិថៃ មិនមានឯកសារត្រឹមត្រូវ និងគ្មានសិទ្ធិជ្រកកោនផងនោះ ទើបសមត្ថកិច្ចជំនាញបញ្ជូនទៅ កាន់អគ្គនាយកដ្ឋានអន្តោប្រវេសន៍ ក្រសួងមហាផ្ទៃ ដើម្បីអនុវត្តបន្តតាមនីតិវិធី៕
