ភ្នំពេញ៖ អនុគណៈកម្មការស្រាវជ្រាវជំងឺកូវីដ១៩ បានអំពាវនាវដល់ប្រជាពលរដ្ឋ ដែលធ្លាប់បានទៅ ហាងលក់ផ្លែឈើ ឡោ ម៉ុយសេង ដែលមានទីតាំងនៅផ្ទះលេខ៥២៣ ផ្លូវព្រះមុនីវង្ស សង្កាត់បឹងកេងកង១ ខណ្ឌចំការមន ថ្ងៃទី១៩ ខែមិនា ឆ្នាំ២០២១ ម៉ោងប្រហែល ១១យប់ ប្រសិនបើមានអាការៈមិនស្រួលខ្លួន ឬសង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ១៩ ។
យោងតាមហ្វេសប៊ុក អនុគណៈកម្មការស្រាវជ្រាវជំងឺកូវីដ១៩ នៅមុននេះបន្តិច បានឲ្យដឹងថា សម្រាប់អ្នកដែលពាក់ព័ន្ធ សូមប្រញាប់ទៅធ្វើតេស្តនៅតាមទីតាំង៖ វិទ្យាល័យបាក់ទូក, វិទ្យាល័យបឹងត្របែក, មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, មន្ទីរពេទ្យបង្អែកនៅតាមបណ្តាខេត្តនានា ៕
