ភ្នំពេញ៖ អនុគណៈកម្មការស្រាវជ្រាវជំងឺកូវីដ១៩ បានអំពាវនាវដល់ប្រជាពលរដ្ឋ ដែលធ្លាប់បានទៅហូប ឬមានទំនាក់ទំនងជាមួយ បុគ្គលិកធ្វើការនៅហាង Carl’s Jr ស្ថិតនៅផ្ទះលេខ៥៥ ផ្លូវ៣១០ កែង ផ្លូវប៉ាស្ទរ័ សង្កាត់បឹងកេងកង១ ខណ្ឌចំការមន នៅថ្ងៃទី២១ ខែមីនា ឆ្នាំ២០២១ ម៉ោង ១៧៖៤០នាទី ប្រសិនបើមានអាការៈមិនស្រួលខ្លួន ឬសង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ១៩ ។
យោងតាមហ្វេសប៊ុក អនុគណៈកម្មការស្រាវជ្រាវជំងឺកូវីដ១៩ កាលពី១២ម៉ោងមុន បានឲ្យដឹងថា សម្រាប់អ្នកដែលពាក់ព័ន្ធ សូមប្រញាប់ទៅធ្វើតេស្តនៅតាមទីតាំង៖ វិទ្យាល័យបាក់ទូក, វិទ្យាល័យបឹងត្របែក, មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, មន្ទីរពេទ្យបង្អែកនៅតាមបណ្តាខេត្តនានា ៕
