ភ្នំពេញ៖ កម្លាំងនគរបាលស្រុកបាណន់ បានចុះបង្ក្រាបទីតាំងលេងល្បែងស៊ីសង មួយកន្លែង ឃាត់ខ្លួនអ្នកពាក់ព័ន្ធ ៤នាក់ នៅភូមិស្វាយប្រគៀប ឃុំឈើទាល ស្រុកបាណន់ខេត្តបាត់ដំបង នៅចុងសប្តាហ៍នេះ។
ក្នុងប្រតិបត្តិការនេះ កម្លាំងនគរបាលខេត្ត នគរបាលស្រុកបាណន់ និងនគរបាលប៉ុស្តិ៍រដ្ឋបាលឈើទាល បានសហគារគ្នាចុះបង្ក្រាប ករណីល្បែងស៊ីសងប្រភេទបៀរ មួយកន្លែងដោយចាប់ខ្លួនស្ត្រីបាន៤នាក់ ។
ស្រ្តីដែលចាប់ខ្លួនឈ្មោះ យ៉ន អុក អាយុ៤៩ឆ្នាំ, ឈ្មោះ ជា ឡេង អាយុ៥៥ឆ្នាំ,ឈ្មោះ សុំ ចម អាយុ ៤៧ឆ្នាំ និងឈ្មោះ ស៊ុន សុភី អាយុ៤១ឆ្នាំ អ្នកទាំង៤រស់នៅក្នុងឃុំឈើទាល ស្រុកបាណន់ ខេត្តបាត់ដំបង។
ចំណែកឯវត្ថុតាងដែលដកហូតបានរួមមាន៖ សន្លឹកបៀរ ស្បែកជើង ម៉ូតូចំនួន ៣គ្រឿង ប្រាក់រៀលចំនួន ២៥.០០០រៀល និងកៅអីចំនួន ១០៕
