ភ្នំពេញ៖ លោក សេង ទៀង អភិបាលស្រុកពាមរក៍ បានស្នើសុំទៅអភិបាលខេត្តព្រៃវែង បិទផ្លូវចំនួន ៤ទីតាំង នៅក្នុងស្រុកនេះ ដើម្បីធ្វើការគ្រប់គ្រង និងទប់ស្កាត់ការរីករាលនៃជំងឺកូវីដ១៩ ក្នុងសហគមន៍កាន់តែខ្លាំង ។
យោងតាមលិខិតមួយច្បាប់ ផ្ញើជូនទៅអភិបាលខេត្ត នៅថ្ងៃទី១២ មីនា បានឲ្យដឹងថា ផ្លូវទាំង ៤ទីតាំងនោះរួមមាន៖
១.កំណាត់ផ្លូវជាតិលេខ១ នៅខាងលិចរង្វង់មូលត្រីកោណ គាល់ស្ពានត្សឹបាសា ១គោលដៅ។
២.ផ្លូវចូលវត្តទួលសមាធិ ១គោលដៅ។
៣.ផ្លូវលេខ៣១០ ព្រំប្រទល់ស្រុកពាមរក៍និងស្រុកពាមជរ ១គោលដៅ។
៤.ផ្លូវជាតិលេខ១១ ចំណុចកែងផ្លូវចូលភូមិចាក់ខ្លាញ់ ឃុំ ពាមរក៍ ១គោលដៅ៕
