ភ្នំពេញ៖ គួរឲ្យសង្វេគណាស់ មើលឃើញរូបភាពប្រពន្ធកូន របស់បុរសម្នាក់ដែលស្លាប់ ដោយសារជំងឺកូវីដ១៩ ហើយពិតជាសោកសង្រេងខ្លាំង រហូតទប់ទឹកភ្នែកមិនជាប់ ។
ជាមួយគ្នានោះដែរលោក ម៉េង វិមានតារា អធិការខណ្ឌមានជ័យ បានសរសេររៀបរាប់ អមជាមួយរូបភាពប៉ុន្មានសន្លឹកថា «មើលរូបភាពនេះហើយ ពិតជាសោកសង្រេងណាស់ គ្រួសារសពបងប្រុស ឡៅ វណ្ណា ?សូមដួងវិញាណក្ខន្ធបង បានសោយសុខក្នុងសុគតិភពកុំបីខាន ភូមព្រែកតាឡុង៣ ខណ្ឌមានជ័យ» ។
សូមរំលឹកថា កាលពីម្សិលមិញ ក្រសួងសុខាភិបាល បានប្រកាសថា មានបុរសម្នាក់ បានស្លាប់ដោយសារជំងឺកូវីដ១៩ ហើយក៏ជាករណីលើកដំបូង នៅប្រទេសកម្ពុជា ដែលមានអ្នកស្លាប់ ដោយសារជំងឺកាចសាហាវនេះ ។ ជនរងគ្រោះដែលស្លាប់ដោយសារកូវីដ១៩ នេះជាជនជាតិខ្មែរ មានអាយុ៥០ឆ្នាំ និងជាអ្នកបើកបរឲ្យជនជាតិចិន ហើយពាក់ព័ន្ធនឹងក្លឹប N8 ៕
