ភ្នំពេញ៖ លោក ហេង រតនា អគ្គនាយកមជ្ឈមណ្ឌលកំចាត់មីនកម្ពុជា (CMAC) បានបង្ហាញនូវសកម្មភាព មន្រ្តីរបស់ខ្លួនដែលកំពុងចុះលុយភក់ ដើម្បីជីកយក គ្រាប់បែកទម្លាក់ពីយន្តហោះ ដែលបន្សល់ទុកក្នុងអំឡុង ពេលប្រទេសមានសង្គ្រាម ដោយលោកបានលើកឡើងថា មិនមែនជីកចាប់អន្ទង់ឬត្រីនោះទេ គឺថាឃេីញក្បាលគ្រាប់រួចហេីយ ដូចនេះត្រូវតែមេីលកន្ទុយគ្រាប់ទៀត ដេីម្បីធានាសុវត្ថិភាព។
លោក ហេង រតនា បានសរសេរនៅលើបណ្ដាញទំនាក់ទំនងសង្គមហ្វេសប៊ុក នៅព្រឹកថ្ងៃទី៥ ខែមីនា ឆ្នាំ២០២១នេះថា គ្រាប់បែកស្ថិតនៅក្នុងបឹងនិងស្រះត្រី ពិបាកធ្វេីដំណេីរទៅដល់! មិនមែនជីកចាប់អន្ទង់ឬត្រីនោះទេ គឺថាឃេីញក្បាលគ្រាប់រួចហេីយ ដូចនេះត្រូវតែមេីលកន្ទុយគ្រាប់ទៀតដេីម្បីធានាសុវត្ថិភាព!
លោកបានបញ្ជាក់ថា «គ្រាប់បែកទម្លាក់ពីយន្តហោះនេះ មានក្បាលបង្កផ្ទុះចំនួន២គឺស្ថិតនៅក្បាលមួយ និងនៅកន្ទុយគ្រាប់មួយដែលចាំបាច់ត្រូវតែដោះបន្សាបវា ទេីបអាចដឹកជញ្ជូនប្រកបដោយសុវត្ថិភាពល្អ!»៕
