កាយផ្លូវដាក់លូដោះទឹក ប៉ះចំគ្រាប់ទម្លាក់ពីយន្តហោះ ក្នុងសម័យសង្គ្រាម សំណាងហើយមិនផ្ទុះ

ភ្នំពេញ៖ លោក ហេង រតនា អគ្គនាយកស៊ីម៉ាក់ បានឲ្យដឹងថា នៅថ្ងៃទី២​ ខែកុម្ភៈ ឆ្នាំ២០២១​នេះ​ នៅទីការដ្ឋានស្ថាបនាផ្លូវនិងប្រពន្ធ័លូដោះទឹក​ នៅទល់មុខ​បណ្ណាល័យចន្ទ័សោម​ សែនមង្គលនៃផ្លូវជាតិ់លេខ៣​ ដែលកសាងដោយក្រុមហ៊ុនកូរ៉េ​ បានកាយប៉ះចំគ្រាប់ទម្លាក់ពីយន្តហោះប្រភេទ MK82​ ជាសំណល់ពីសង្គ្រាម។

លោក ហេង រតនា បានសរសេរលើហ្វេសប៊ុកបន្តថា គុណភាពនិងសុត្ថិភាពគឺជាមូលដ្ឋានគ្រឹះ​ ដូចនេះគ្មានគ្រោះថ្នាក់ពេលនេះ​ ជាសំណាងធំណាស់សំរាប់ ក្រុមហ៊ុនសាងសង់នេះ​ តែបើសិនគ្រាប់បែកនេះ មិនបានឃើញពេលនេះនោះទេ​ ក៏គ្រាប់នេះ​ នៅតែជាមរតករង់ចាំផ្តល់ភាព គ្រោះថ្នាក់ដល់មនុស្សជំនាន់ក្រោយៗ ទៀតមិនខានឡើយ ៕