ភ្នំពេញ៖ នារី២នាក់បានស្លាប់ភ្លាមៗ ករណីរថយន្តក្រឡុកស៊ីម៉ងត៍បុកម៉ូតូនាម៉ោង១០ព្រឹកថ្ងៃទី០៣ ខែមករា ឆ្នាំ២០២១ ស្ថិតតាមបណ្តោយផ្លូវជាតិលេខ១ ភូមិត្នោតច្រុះ ឃុំល្វា ស្រុកព្រះស្តេច ខេត្តព្រៃវែង។
យោងតាមព័ត៌មានបឋម ពីប្រជាពលរដ្ឋ បានឱ្យដឹងថា ករណីគ្រោះថ្នាក់ ចរាចរណ៍នេះ កើតឡើង រវាងរថយន្តក្រឡុកស៊ីម៉ងត៍ មួយគ្រឿង បុកគ្នាជាមួយម៉ូតូមួ យគ្រឿងទៀត បណ្តាលឱ្យនារី២នាក់ បានស្លាប់ភ្លាមៗ។ ចំណែកឯរថយន្តវិញ ព្យាយាមបើករត់ ដោយអូសជាប់ជាមួយម៉ូតូជនរងគ្រោះ ទៅជាមួយ ទើបបណ្តាលឱ្យមានអណ្តាតភ្លើងឆាបឆេះ រថយន្តយ៉ាងសន្ធោសន្ធៅ៕
