ភ្នំពេញ៖ បុរសម្នាក់យក ដំបងជ្រុងវាយឪពុកបង្កើតរបស់ខ្លួន បណ្ដាលឲ្យរងរបួសធ្ងន់ធ្ងរ ព្រោះខឹងឪពុកមិនធ្វើម្ហូបឲ្យហូប។ ហេតុការន៍នេះ កើតឡើងនៅយប់ថ្ងៃទី២៦ ខែតុលា ឆ្នាំ២០២០ នៅភូមិគោកកី ឃុំបេង ស្រុកបន្ទាយអំពិល ខេត្តឧត្តរមានជ័យ។
ជននេះឈ្មោះ ធៀន ផល អាយុ៣៣ឆ្នាំ ចំណែកឯឪពុកបង្កើតឈ្មោះ ដុក ធៀន អាយុ៦៨ឆ្នាំ រស់នៅភូមិគោកកី ឃុំបេង ស្រុកបន្ទាយអំពិល ខេត្តឧត្តរមានជ័យ។
មូលហេតុដែលនាំកើតអំពើនេះ គឺជនសង្ស័យខឹងឪពុកមិនធ្វើម្ហូបឲ្យហូប ទើបយកដំបងឈើជ្រុង វាយបណ្ដាលឲ្យរ.ង.រ.បួ.សបែកចញ្ចើម៣កន្លែង។ បច្ចុប្បន្នជនសង្ស័យ ត្រូវបានសមត្ថកិច្ចកសាងសំណុំរឿង ដើម្បីបញ្ជូនទៅចាត់ការតាមផ្លូវច្បាប់៕
