ភ្នំពេញ៖ មុនចូលរួមសម័យប្រជុំពេញអង្គព្រឹទ្ធសភា នាព្រឹកថ្ងៃទី២៦ តុលានេះ លោកឧកញ៉ា ម៉ុង ឬទ្ធី មហាសេដ្ឋីកសិកម្មកម្ពុជា និងជាអគ្គនាយកក្រុមហ៊ុន ម៉ុងឫទ្ធី គ្រុប បានទិញមើមដំឡូង ចេក ត្រាវ ពីអ្នកកសិករដែលជិះកង់ដឹកលក់តាមផ្លូវ យកមកជូនសមាជិកព្រឹទ្ធសភា ធ្វើជាអាហារសម្រន់ ។
លោកឧកញ៉ា ម៉ុង ឬទ្ធី បានសរសេរលើបណ្ដាញ សង្គមហ្វេសប៊ុកថា «វេលាម៉ោង ៧ព្រឹក ថ្ងៃចន្ទ ទី២៦ ខែតុលា ឆ្នាំ២០២០ ក្នុងដំណើរមកចូលរួម ប្រជុំពេញអង្គព្រឹទ្ធសភា ឃើញកសិករដឹក មើមដំឡូងចំរុះមានទាំងចេកផង ឈប់ជួយទិញរបស់ គាត់ទាំងអស់យកមក ជូនសមាជិកសមាជិការព្រឹទ្ធសភាយើង ហូបទុកជាអាហារសម្រន់» ។
មិនតែប៉ុណ្ណោះលោកឧកញ៉ា ថែមទាំងសរសេរពាក្យដ៏មាន អត្ថន័យមួយឃ្លាទៀតថា «របស់ថោកតែបើយើងចេះនាំគ្នា អោយតម្លៃវាទៅនិងមានតម្លៃ ដូចគេដូចឯងអីចឹងដែ មិនខុសអីពីដុំថ្មទេនៅពេលដែលយើងលើកយកមកដាក់នៅលើ រោងឬអសនណាមួយហើយនាំគ្នា ចេះតែមកបន់ស្រន់ទៅ មានពេលខ្លះវាអាចក្លាយជាអ្នកតា ជួយយើងអោយបាត់ចុកពោះ ម្តងម្កាលអីចឹងដែរ» ៕
