«ក្រុងភ្នំពេញ» ៖ អនាគតភរិយាអ្នកដឹកនាំបទ «ពុកខ្ញុំជាប៉ូលិស» ថ្មីៗនេះបានចុះបំពេញបេសកកម្មនៅមុខវាំង តាមអ្វីដែលបានកំណត់ ក្រោយទទួលបាន 3K Comment ពីទស្សនិកជន នៅលើបណ្តាញទំនាក់ទំនងសង្គមហ្វេសប៊ុក ក្រោយតារាសម្តែងរូបនេះ បានលើកឡើងនៅលើបណ្តាញសង្គមហ្វេសប៊ុកថាបើបានចំនួនខម្មិនដូច្នោះនឹងរើសសម្រាមមុខវាំងឲ្យមើល ។
លទ្ធផលជារួមលីឈី ទទួលបាន 3K Comments ហើយក៏បានបំពេញនូវអ្វីដែលខ្លួនបានលើកឡើង ចុះបំពេញបេសកកម្មរើសសំរាមមុខវាំង ។ នេះមិនមែនជាលើកទី១នោះទេ ដែលពិធីការិនីក្នុងកម្មវិធី Happy Life Show របស់ផលិតកម្មថោន បានចុះរើសសំរាម នៅមុខវាំង ។
ក្រៅពីតំបន់មុខវាំង លីឈី ក៏បានចុះរើសសំរាមជាមួយអនាគតស្វាមីជាច្រើនកន្លែងទៀត ក្នុងតំបន់ក្សាន្តនៅក្នុងព្រះរាជាណាចក្រកម្ពុជា ខណៈដែលថ្មីៗកន្លងទៅ បានដឹកនាំសិស្ស រាប់រយនាក់រើសសំរាមនៅសាលាមួយកន្លែងនាខេត្តតាកែវ ក្រោយចែកសម្ភារៈសិក្សា ជូនដល់សិស្សានុសិស្ស។
គូស្នេហ៍ក្នុងវិថីសិល្បៈ នេះ ដោយបច្ចុប្បន្នលោក ប៊ុន រតនា ជាចៅកែលក់រថយន្តS-Auto និង ខាងស្រីជាថៅកែលក់ខោអាវក្នុងផ្សារធំថ្មី តែងតែដឹកដៃគ្នារើសសម្រាមដើម្បីបរិស្ថានស្អាត ហើយនឹងបន្តសកម្មភាពបរិស្ថានស្អាតនេះនៅពេលបន្តបន្ទាប់ទៀត ដើម្បីជាសារដាស់សតិអារម្មណ៍ យុវជនឲ្យចេះស្រលាញ់បរិស្ថានដូចស្រលាញ់ខ្លួនឯង ៕
ទស្សនាវីដេអូឃ្លិបដូចខាងក្រោមនេះ៖
