អតីតពិធីករដ៏ល្បីរបស់ស្ថានីយ៍ទូរទស្សន៍ក្នុងស្រុកមួយ ត្រូបានសមត្ថកិច្ចបង្រ្កាបបានពាក់ព័ន្ធករណីជួញដូរគ្រឿងញៀន កាលពីរសៀលថ្ងៃទី១៩ ខែធ្នូ ឆ្នាំ២០១៨ ។ ដោយការឃាត់ខ្លួនមនុស្ស ៤នាក់នោះដែរ បើតាមប្រភពបញ្ជាក់ថា ធ្វើឡើងនៅក្នុងមជ្ឈមណ្ឌលកម្សាន្តរ៉ុក ។
ជនសង្ស័យ ដែលកម្លាំងសមត្ថកិច្ចឃាត់ខ្លួនបានគឺ ១.ឈ្មោះ ហែម បូរិទ្ធ ភេទប្រុស អាយុ៣៣ឆ្នាំ ជាពិធីករទូរទស្សន៍ ដែលមានឈ្មោះក្នុងវិថីសិល្បៈ ថាឌីជេឡាយអិន ទី២. ឈ្មោះ វ៉ា ស្រីណា ភេទស្រី អាយុ៣៨ឆ្នាំ មុខរបរមិនពិតប្រាកដ ៣.ឈ្មោះ អ៊ិន សាខន ភេទប្រុស អាយុ៥១ឆ្នាំ (ជាមេក្លោងជួញដូរ) និង៤.ឈ្មោះស៊ិន សំភ័ស្ត ភេទប្រុស អាយុ៣៣ឆ្នាំ ។
វត្ថុតាងដែលសមត្ថកិច្ចដកហូតបានពីករណីបង្ក្រាបនេះ រួមមាន ១.ថ្នាំមេតំហ្វេតាមីន(ICE)ទម្ងន់៣៧៤.៣៩ក្រាម
២.សារធាតុញៀនប្រភេទអ៊ីចស្តាស៊ីចំនួន១៥៦២គ្រាប់ ស្មើទម្ងន់ និង៦០៩.៣៣ក្រាម (សរុបជាង១គីឡូក្រាម) ៣-អាវុធខ្លី១ដើម (ឡុក) ៤.ជញ្ជីងថ្លឹងគ្រឿងញៀនធំ១គ្រឿង និងតូច២គ្រឿង ។
សម្រាប់ជនសង្ស័យទាំង ៤នាក់ដែលជួញដូរគ្រឿងនេះ ត្រូវបានកម្លាំងសមត្ថកិច្ចកំពុងរៀបចំសំណុំរឿងបញ្ជូនតុលាការដើម្បីចាត់ការតាមនិតិវិធីនៃច្បាប់៕
