អ្នកនិពន្ធរឿងកំប្លែង Stan Lee ដែលជាសហស្ថាបនិកនៃតួអង្គរូបតុក្កតា រួមទាំង Iron Man , the Fantastic Four, Spider-Man, Daredevil និង X-Men បានទទួលមរណៈភាពនៅអាយុ ៩៥ឆ្នាំ ។ នេះបើយោងតាម theguardian បានចុះផ្សាយនាព្រឹកនេះ។
លោក Lee បានដើរតួជាមួយសិល្បករជាច្រើនដូចជា Jack Kirby និង Steve Ditko ជាដើម ក្នុងវិស័យឧស្សាហកម្មកម្សាន្ត ជាមួយភាពជាវិរបុរស ដែលធ្វើឲ្យជីវិតក្នុងសាច់រឿងរស់រវើកក្នុងរបត់ផ្សេងព្រេង។
J.C. Lee ដែលត្រូវជាកូនស្រីអ្នកនិពន្ធខាងលើបានលើកឡើងថា ឪពុករបស់នាងមានកាតព្វកិច្ចចំពោះអ្នកគាំទ្រគាត់ក្នុងការបន្តបង្កើត គាត់ស្រលាញ់ជីវិតរបស់គាត់គ្រួសារ ជាពិសេសអ្នកគាំទ្រគាត់ ។ ប៉ុន្តែទោះជាយ៉ាងណា កូនស្រីសហស្ថាបនិកនៃតួអង្គរូបតុក្កតា ខាងលើ មិនបានបញ្ជាក់ពីមូលហេតុនៃការស្លាប់របស់លោក Lee នៅឡើយ។
ប៉ុន្តែគេហទំព័រ TMZ បានលើកឡើងថា គេឃើញរថយន្តសង្គ្រោះមួយទៅដល់លំនៅដ្ឋានលោក នៅព្រឹកថ្ងៃច័ន្ទ ហើយគាត់ក៏បានស្លាប់នៅ Cedars-Sinai Medical Center ។
លោក Lee កើតនៅ Stanley Martin Lieber នៅតំបន់ Manhattan’s Upper West ក្នុងឆ្នាំ ១៩២២ ៕
