ភ្នំពេញ៖ ក្រោយពីបែកធ្លាយរូបភាពរួមរស់ក្នុងផ្ទះតែមួយជាមួយគ្នាផ្អើលពេញប្រទេស អតីតអ្នកដឹកនាំបទចម្រៀងនៅសាន់ដេ និងតារាចម្រៀងយូរី បានបែងចែកផ្លូវគ្នា ដោយបន្សល់នូវរឿងចម្រូងចម្រាស់ ចំណែកខាងស្រីទៅមានអ្នកថ្មី ហើយខាងប្រុសរកឃើញដៃគូជីវិតពិត នឹងចូលការនៅពាក់កណ្តាលខែវិច្ឆិកា នេះ។
បើតាមប្រភពច្បាស់ការដោយសុំមិនបញ្ចេញឈ្មោះ បានប្រាប់ OBN Asia ថា លោករ៉េត ដែលគេស្គាល់ថាជាអ្នកដឹកបទចម្រៀង និងជួយជួយជ្រោម ជ្រែងតារាចម្រៀងយូរីនៅសាន់ដេ ហើយក៏ជាអតីតដៃគូរួមរស់ជាមួយគ្នាដូចប្តីប្រពន្ធ បានរកឃើញអ្នកថ្មីដើម្បីលុបដានចាស់ចោល ក្នុងវិថីជីវិតស្នេហា នឹងសម្រេចចូលរោងការនៅថ្ងៃទី១១ ខែវិច្ឆិកា ឆ្នាំ២០១៨ នេះតែម្តង ។
ប្រភពថា សម្រាប់អនាគតភរិយាលោក រ៉េត ដែលជាអ្នកដឹកនាំបទចម្រៀង មិនមែនជាអ្នកស្ថិតក្នុងរង្វង់អ្នកសិល្បៈនោះទេ គ្រាន់តែជានារីសាមញ្ញម្នាក់ ប៉ុន្តែស្មោះស្ម័គ្រ នឹងរូបលោក ។
គួរបញ្ជាក់ផងដែរថា សម្រាប់លោករ៉េត និង តារាចម្រៀងយូរី បានចែកផ្លូវគ្នារួចរាល់ហើ ដែលគិតមកទល់នឹងពេលនេះរយៈពេលជាង ១ឆ្នាំទៅហើយ ៕
